呢d烏冬整左出黎硬得滯, 所以係失敗既. 但係見到自己真係整到d麵出黎都真係開心架, 從來無諗過可以自家出品烏冬的. 而家問緊人衰d咩, 希望搵到個原因, 下次可以改善到啦.
呢部麵包機真係................正到無朋友!!
2011年3月19日 星期六
朱古力曲奇 - 附食譜
而家見到既曲奇, 其實係第2轉黎的, 因為第一轉我量錯左d粉, 所以……………好沮喪咁將全部倒晒佢再由頭整過的.
好彩呢一轉出黎ok, 佢地個個都話好食, 我就嚴佢甜左少少, 下次會減d糖. 之前都整過曲奇, 但係就辛苦d, 倦d 囖, 有左呢部麵包機真係快靚正, 慳番好多功夫!! 最抵死既係出黎既野係好食咁先頂佢唔順, 有左佢多左好多野玩, 同埋慳番好多精力!!
下次再玩過另一樣曲奇先………因為要搵食譜嘛, 又唔可以食曲奇食得咁密, 怕佢地熱氣呀!!
呢個係跟機食譜黎的.
材料: (一份可以整到18件曲奇)
1. 蛋 1隻(發左隻蛋佢先)
2. 牛油 62.5g (置空溫, 切開細舊)
3. 中筋粉 187.5g
4. 糖 75g (原食譜為83.3g)
5. 雲喱拿油 1 tsp (5g)
後加料:
1. 朱古力粒 75g
做法:
1. 將上述材料順序放入機內.
2. 接 cookies --> start
3. 機開始轉動8分鐘後會嘟嘟聲響, 此時加入後下料(朱古力粒), 加完後再禁一下start. 部機會再次運行.
4. 此時準備焗盤, 放上牛油紙.
5. 預熱焗爐160度.
5. 停機後, 將麵團按自己喜好造型, 切記不能將麵團整得太厚, 要用手指禁簿簿地.
6. 造型弄妥後入爐焗20分鐘便可(自己要留意, 因人人的焗爐爐溫也不同, 會有少少出入的).
士多啤梨蜜糖包 - 附食譜
就咁睇呢張紅色相, 若無人講, 真係以為係西瓜添呀!!
基於我懶, 無人地咁好心機同技術, 所以我都係停留係玩整方包. 但係又基於我咩都三分鐘, 所以當然我唔甘於day day 白麵包啦. 所以我又係度玩野啦, 見人地話有士多啤梨粉賣, 我又死唔執輸咁買包番黎玩. 今日放假, 由朝早9點幾一路整野整到而家…… 呢個包真係好有視覺效果, 見到都好開心. 整既時候仲聞到佢淡淡既士多啤梨味(講明, 聞到但係食就唔太覺架), 真係好正!!
個死人亞嗲番黎見到, 即刻 “就”晒眉頭話咩黎架, 我話士多啤梨包呀, 跟住佢行開喎. 我又點會放過佢呢, 我要佢試, 佢免為其難咁叫我meet少少俾佢試, 佢一食左, 眉頭即刻開番晒, 話, 咦, 幾好食喎!! (死佬呀, 成日都係咁, 未食就話唔好食) 呢個包必會encore的!
材料:
1. 水 190g (今次多左水, 我諗下次我會試145g)
2. 蜜糖 3 tb sp (45g)
3. 高粉 283g
4. 士多啤梨粉 17g
5. 鹽 3g
6. 牛油 8g
7. 酵母 3g
做法:
1. 按以上次序順序將#1 - #6放入麵包兜內.
2. #7 放在火山口內.
3. 所有材料放好後, 禁start à regular à crust (顏色) à light --> start
4. 3小時20分鐘焗好後便會嘟嘟嘟聲, 即刻取出.
5. 放涼半小時後便可切片享用.
淮山杞子黨參元肉鴛鴦螺頭湯
淮山杞子黨參元肉鴛鴦螺頭湯
材料:
1. 淮山 約8 片
2. 杞子 10幾粒
3. 黨參 2條
4. 圓肉 10幾粒
5. 雪藏大螺頭 1個 (切片)
6. 乾螺頭 6隻(以用水浸起碼3小時浸軟)
7. 豬展 隨意
8. 薑片 2片
做法:
1. 將#5 預早一晚放在雪櫃解凍. 第2日洗淨切片備用.
2. 將#1 - #4 浸軟後沖清備用.
3. 將薑片放入水煲滾, 用黎出水.
4. 豬展洗淨切開幾舊備用.
5. 將急凍螺頭, 乾螺頭 和豬展逐一放入薑水中出水, 出完1樣才放入第2樣出手.
6. 將所有材料(除薑片)連水放入煲內,見雙白圈計細火煲 30 分鐘, 排氣後開蓋大火滾10分鐘加鹽調味即可。
*********************************************************
好甜, 好好味! 亞嗲自己走去添湯飲!!
免病茶
呢包就一定唔係新出既野, 但係未必好多人識. 我今日搵佢出黎只係得一個原因.........就係想清倉, 我仲有成盒係度, 所以就攞出黎煲, 清得2包得2包.
我自己就將2包呢d, 加2碗大半既水, 水滾後轉細火煲10分鐘, 分3碗3個人飲.
有咩好呀?? 唔知呀, 貪佢唔苦, 當清下熱咁啦.
淮山杞子圓肉黨參雙螺頭片湯
淮山杞子黨參圓肉螺片湯
材料:
1. 淮山 約8 片
2. 杞子 20粒
3. 黨參 2條
4. 圓肉 10幾粒
5. 急凍大螺頭 1個 (切片)
6. 乾螺頭 6隻(以用水浸起碼3小時浸軟)
7. 豬展 隨意
8. 薑片 2片
做法:
1. 將#5 預早一晚放在雪櫃解凍. 第2日洗淨切片備用.
2. 將#1 - #4 浸軟後沖清備用.
3. 將薑片放入水煲滾, 用黎出水.
4. 豬展洗淨切開幾舊備用.
5. 將急凍螺頭, 乾螺頭 和豬展逐一放入薑水中出水, 出完1樣才放入第2樣出手.
6. 將所有材料(除薑片)連水放入煲內,先中大火煲15分鐘, 轉細火煲多2小時45分鐘加鹽調味即可。