窮富翁大作戰II
係bk內睇到人地講呢個節目, 初頭覺得ok啦, 但係越睇人地既comment越覺得好似幾好睇咁喎. 咁橋有人post左條link出黎, 所以我就去睇下啦.
睇完第二集, 係講田北辰的, 佢要去試2日做清潔掃街工人, 訓籠屋, 睇完好appreciate 佢肯去試呢種生活既誠意. 講真佢係一個闊少, 佢絕對可以唔肯試架, 無人吹得佢帳的, 但係佢都肯, 起碼佢都真係有d心想去知道基層市民既生活情況的. 我一路睇, 我都覺得呢d清潔工人真係幾慘, 每日做d咁厭惡既野, 但係佢地既收入真係好微簿, 只係僅僅夠基本生活. 由於佢地番工番得早, 所以要被迫搭通宵巴士番工, 咁車費相對地亦貴好多. 我今晚食飯時我會要我2隻野睇下, 唔奢望佢可以做到d咩幫到人, 但求佢地識得珍惜佢地而家有既野已經好好. 睇完呢一集, 原本我自己都有野煩緊好唔開心, 睇完都無野了, 因為…… 呢個世界上有人比我生活得更艱難, 都可以捱下去, 所以我都應該要努力去面對困難! 成個節目, 都唔見田生笑, 係去到最尾收工可以番黎現實做少爺時佢先至笑番, 可想而知, 呢2日既生活佢真係覺得幾難頂! 佢話, 佢係呢2日個腦只係諗住食, 因為做得好辛苦, 所以想食餐好少少(好少少既係快餐店個d咋, 但係都唔夠錢食(因為真實清潔工人一個月得好少錢, 扣埋租籠屋既租千幾蚊, 所以佢可以用每日限佢用50蚊咋(搭車+食飯), 要食7仔既1x蚊一盒既微波飯盒) 希望佢經過呢d體驗, 係從政既時候, 會落力d去幫d 靠自己手腳搵食既基層市民啦(唔係幫d呃飯食既宗援呀)!
http://programme.rthk.hk/rthk/tv/programme.php?name=tv/richmate2&d=2011-02-15&m=episode
田北辰，人稱田二少，父親是香港「一代褲王」田元灝。田北辰在哈佛大學畢業後，創立自己的服裝王國，至今坐擁全球七百多間服裝店，在商界可說是無人不識。經歷金融海嘯、沙士危機，令田北辰對自由市場有一份信念：「我是信奉自由市場，的確是淘汰好多弱者，但只要有鬥志，弱者都可以變成強者。」
信奉自由市場的田北辰，在節目內，會打一份時薪只有廿五元的掃街清潔工，每日做足九小時厭惡性工作，僅有五十元生活費糊口，想食餐飽飯都「猛猛緊」；夜晚入住只有十五呎，呎租仲貴過豪宅，但就連腳都伸唔直的「豪華籠屋」。
經過這次體驗，田北辰對自由市場下的工資水平及房屋價格，會有何反思？
籠屋呎租 (來源: 香港社區組織協會)
2009年籠屋呎租中位數 $60
最高呎租達 $93
2010年9月豪宅呎租 (來源:地產代理研究報告)
港島區禮頓山 平均呎租 $47.1
九龍區凱旋門 平均呎租 $42.8
九龍區畢架山峰 平均呎租 $34.5
全球樓價最難負擔城市排名(2010年第3季) (來源:美國物業顧問行調查報告)
第一位: 香港 樓價為家庭平均每年收入 11.4倍
第二位: 澳洲悉尼 樓價為家庭平均每年收入 9.6倍
第三位: 加拿大溫哥華 樓價為家庭平均每年收入 9.5倍
僱員時薪中位數資料 (來源: 2009年政府統計處)
時薪中位數低於 $33 僱員約 47萬
物業管理、保安及清潔服務行業 時薪中位數 $27.6
跟住又睇番第一集啦, 係講周啟邦個仔, 又係自細都係有錢人, 係英國讀完法律而家係香港做大律師. 佢既任務係做珍珠奶茶同速遞. 佢做珍珠奶茶都做唔慣, 見唔舒服, 第2日已經叫早走. 跟住第3, 4, 5日就轉左去做速遞, 佢做速遞時都話好辛苦, 又要快, 又要ling住成10kg既袋去送件. 又遇到d人對佢地無咩禮貌. 食飯都係得半個鐘咋! 佢個人真係幾紳士的, 好有禮貌, 對人都好nice, 起碼無d少爺款(駛人唔駛本). 佢寄住那個80後青年而家進修緊副學士, 周先生都r頭那青年點樣搞得掂那2年9萬蚊既學費!! 佢從中體驗到無學歷既年青人, 根本無辦法可以講理想, 因為根本搵得錢好少, 都無辦法可以有儲蓄, 咁仲有咩想做既野可以做呢? 睇完呢一集, 我擔心我2隻野將來搵工係咪會更難呢?? 書唔知佢地讀得幾多? 就算讀得到大學, 但到時既大學生又等於d咩呢? 可能已經係做文員既最低要求了!!
Brandon 在英國畢業回港後晉身做大律師，身為八十後有事業、有物業、有妻兒，擁有不少年青人追求的理想生活。
過去兩年，八十後及社會流動性成為大眾關注議題。節目內，Brandon 會變身成為只有中五學歷的年青人，在珍珠奶茶店沖奶茶做到冇停手，又會去做速遞員通街走，體驗低收入、低學歷的八十下如何掙扎向上流。
究竟Brandon在沒有父母的庇蔭下，單憑自己的努力，能否打破年青人難以向上流動的困局?
香港基督教服務處 樂Teen會調查
逾七成低學歷青年有就業困難
近五成青年每月基本薪酬在$6000或以下
睇完呢2集, 我既得著係………… 我比起好多人已經幸福好多了, 我要惜福! 希望有多d呢d節目, 等我們可以不時反思, 反醒下自己!