一份玩死人既功課

小冰前晚先話要買摺紙做功課(係9點幾個隻喎, 點買呀, 即係又第2日啦), 但係要星期四交喎!!! 初頭都無為意, 因為小冰只係叫亞嗲買摺紙番黎俾佢之嘛, 咁好明顯就係唔關我事架啦.
到尋晚我接小冰番屋企THEN去文具舖買埋摺紙啦, 先醒起佢話要摺玫瑰花, 個問題係...........小冰唔識摺喎, 咁...咪...即係要我摺!!!! 食完飯就即刻叫工人幫手摺啦, 因為我係摺紙白痴黎的, 好開心聽到工人話摺完一朵啦, 一睇...............吓.........MUG係蓮花黎既?? 點會咁架!!!  唉......... 都諗住算啦, 求其有得交就算啦.
到今日係公司, 同個FD講開, 佢俾左條LINK我, 搵到一個有教點摺玫瑰花既網頁, 咁就PRINT左個圖出黎, 又叫工人黎公司攞個圖, 等佢快D睇下摺唔摺到啦, 因為要摺成10朵嘛.  我同時亦叫左工人拎D摺紙俾我, 等我又試下啦.  我對住幅圖, 一路跟住佢摺, 但係摺到最後個2, 3步都睇唔明佢點摺.  但係就俾我亂摺咁摺到上面幅圖個D樣出黎, 我見都有D似玫瑰花啦, 所以算啦.  咁我同我同事講, 我幫緊我女做功課, 佢黎睇, 佢拎起一張摺紙一齊摺, 佢睇住幅圖, 仲衰過我, 第3個STEP 已經睇唔明了. 就係呢個時候, 我先知道原來我一路以黎都係錯既, 我以為我跟左幅圖頭幾個STEP, 原來唔係, 今次真係錯有錯著, 唔錯就訓唔著了!
其實我摺既時候, 都摺左成5, 6個唔同既樣出黎, 唔好以為我好勁, 只係因為...........我摺唔番之前第一個樣咋. 咁咪唯有又再亂摺試下囉, 咁試試下就出左5, 6個樣出黎了.  
生仔難, 幫細路做功課仲難呀!!! 好彩撞彩撞到咋, 跟住工人執埋手尾(跟住我個D摺埋最後個幾朵, 然後再教埋小冰摺, 因為番學校佢要識得摺呀, 唔係就穿煲啦). 我摺完之後個腦不知幾倦呀!!! 攞命!!