煎年糕妙法 - 附食譜

尋晚成晚都眼光光訓唔著, 頭先想訓一陣晏訓一樣都係精神到爆, 訓唔到. 於是又搞野玩啦.

尋日煎年糕時, 痴到亞媽都唔認得(因為我唔鐘意連蛋一齊煎的, 我唔鐘意咁食法), 我一路煎, 一路係度到fing d 年糕想fing甩佢.

尋日定前日上網見過有人話有其他人試過用春卷皮黎煎年糕, 咁我初頭都無野的, 因為我唔想又買多樣野番黎啦, 二黎………..我覺得個皮會好厚.

就係訓極都訓唔到晏覺之際, 我突然醒起我屋企有包未開既越南春卷皮, 於是就好似發現新大陸咁即係好開心, 因為有野可以玩嘛.

我其實從未用過整過呢d越南春卷皮的, 切好晒d年糕之後整一張春卷皮黎包啦, 點知…………爛晒既?? 我睇下包野既背面有無教點整啦, 頂佢呀, 又無教喎. 我覺得無可能會爛的, 咁我咪試下將佢濕水啦, 點知就搞掂左了.

咁樣煎真係完全唔痴架, 煎完對筷子一d年糕都無架(尋日那一對痴住晒d 年糕係度的), 煎完真係一舊舊分開的.  同埋食既時候多左另一種輕微脆脆地既口感, 呢個食法真係幾好. 對於好似我呢d唔鐘意用蛋漿煎黎食既人啱晒.

材料:

1. 越南春卷皮            適量 (每件年糕只需要半張便可)

2. 年糕                 適量 (切件)

做法:

1. 先將春卷皮一開二.

2. 將春卷皮兩邊(底及面)都濕水, 之後fing一fing下d水免煎既時候d油彈得太勁.

3. 將年糕以春卷皮包好 (最好四邊都包好晒佢), 若你的年糕太細舊既話, 可將多餘的春卷皮剪掉.

4. 以慢火將年糕兩邊煎至金黃色便可.

Tips:

1. 呢隻越南春卷皮比普通春卷皮簿身好多, 可以真正食到年糕既問道, 唔怕d春卷皮太厚而影響質感. 用呢種春卷皮係最能保留食年糕的風味.

p.s. d 六嬸年糕ok啦, 有d薑汁味囖, 好似食薑糖咁. 但係你話佢真係勁好食又唔係囖. 一試無妨既, 再買無胃囖, 因為我唔覺得我自己整既差過佢囖, hahaha.