白事所需費用(給參考之用)

由於係bk見到有人問白事要幾多錢, 所以就將今次62既喪事我所記得既費用記下, 無任何意思, 只係記得當62剛剛去世時都有傍皇的時候, 唔知要做呢d野要幾多錢, 又怕會被人呃等等, 心情係幾不安及無安全感的. 所以今日記低係俾所有有需要既人參考(因為我地覺得呢個價錢有呢d野係ok).

所有野(唔計回魂)既費用大約預計係4萬5至5萬蚊(白事未做完所以都未有實數).

1.  香港殯儀館(北角)2日(一晚(大房)+第2朝一早出殯)
2. 道教既打齋(即係破地獄個d, 有6個人做)
3. 紙扎(有車(一架大型既車, 唔係個d 係間紙扎屋出面既車仔), 有大屋, 有金銀橋, 有打齋hok, 有工人, 有平面簿電視(唔係係屋入面貼住一架電視仔), 仲有其他野我記唔到咁多, 大約係10樣8樣野度啦), 你自己可加可減的, 每件都有寫明價錢, 要幾多樣計幾多錢.
4. 守夜個晚係殯儀館1x - 20人既齋(自助形式) (呢度相信都要1xxx蚊啦)
5. de 打佬, 堂官
6. 我地守夜當晚定左一箱樽裝水for 所有人飲
7. 金銀(守夜當晚燒既金銀)及係殯儀館所需要用既衣紙(當然係基本數量啦, 唔係任你攞任你燒)
8. 守夜, 出殯用既貢品 (可齋可肉)
9. 旅游巴(出殯上火葬場之後番番落黎)(平時租旅游巴我知最平要500蚊)
10. 由頭教我地d野點做(包括仙人一去世要做既野, 回魂夜要做既, 我地問咩佢都教我地的)
11. 同我地一齊去搞文件(我地只係需要去2次, 一次係去攞好似叫正式死亡証, 一次係要親屬去認領遺體再轉送去殯記)
12. 棺木(我地揀左一副2萬蚊既, 最平係萬5)
13. 壽衣 (我地揀左一套2千8的, 最平係2千蚊)
14. 俾所有工作人員既利是(殯儀館+旅游巴)
15. 一張關於仔要燒既野 及 一d 封於做女要燒俾仙人既野(我地因有3個女所以要3張)

16.仲有d 儀式必須要既野

我記得既大既係咁多咋, 應該係漏左d 比較濕碎既野的. 而價錢方面, 你見到我有d係寫住我揀左幾多錢既野, 最平又係幾多錢, 所以那一個價錢係可多可少的, 視乎你揀既野要有幾好.  另外, 紙扎方面, 你唔想要d咩都可以減架, 只係我地叫做要齊所有基本野咁啦. 而齋當然係可以唔幫佢訂啦, 我記得以前我屋企搞白事, 都係自己去買飯盒的. 只係今次99話要食齋, 咁又費事搵齋黎買咪叫佢訂埋唔駛煩囖.

當然, 你唔係用道教儀式又會平d(個度都用左大約萬7蚊). 我諗信耶蘇既會係最平, 因為無咩儀式要搞. 佛教都需要一些做法事的費用, 但要幾多就唔知了.

最緊要既係, 豐檢由人, 每個人覺得"好好睇睇"既定義都唔同, 所以我已經盡埋list左有d咩, 咁樣好過係一個lum sum數咁去講, 因為若係呃人既, 可以係差唔多既費用, 但係入面比我地而家揀既少左好多都唔出奇.
一路個d人都同我地去搞的, even係去揀棺材都同我地去(佢唔係殯記做的), 守夜及出殯佢都會係度同我地打點(當然唔會全情係度啦, 亦都真係唔需要全程係度).
一路有人帶住陪我地點做, 所以我同亞嗲都覺得個價錢ok, 起碼有咩問隨時可以打去問, 有咩野都有人係傍邊教你點做, 陪你去做, 起碼安心好多, 係心理方面真係幫到好多的. 我唔知人地點諗, 你見我將呢篇野放係實用資料個度, 可想而知我真係覺得...... 每個人都有需要, 但係通常做呢d野時都係好多野唔識, 唔知價錢, 又擔心要駛好多錢, 所以我覺得佢真係幾有用既資料黎的.

** 由於白事未辦完, 所以若見到仲包d咩既, 再係度幫充番啦.

********************************************************

條數比上面預計既大左, 大左係邊, 我諗好少人會諗到.

1. 大酒店收既利是$2000(agent話其實係變相加一, 只係好聽d叫利是)

2.大酒店大房內既裝飾同出殯那個堂既裝飾, 呢2條數都好似差唔多$2000.

3. 真正俾所有工作人員既利是都差有$2000.

4. 旅游巴$800

5. D 紙扎唔止我上面講既咁少, 仲有d 咩橋, 工人係4個唔係2個,又有咩望x臺(唔記得左).

殯儀館連道教法事d野, 大約用左5萬3-5萬4蚊 + 埋解x酒好似係千幾蚊唔駛2千(當千6蚊啦). 另外又有佛教既唸經1萬1千, 仲有買牌位一個6千(佢亞媽一買買左3個, 唉!!! 我呢度又只計一個位既錢啦), 仲有第時要買既骨灰盅,瓷片, 呢度應該都要3千(保守估計), 跟住若抽到政府既灰位2千幾, 若買4人位既就2萬幾.

全部夾埋, 保守計用左$77,100, 比起原來以為那條數多左2萬幾3萬蚊, 因為有d野係唔知道要用錢.

亞嗲有問過我貴唔貴, 我話好難講貴唔貴, 只係話有無能力做啫! 因為而家係見到你屋企人個個都好滿意(因為個agent真係做得幾好, 我後來叫亞嗲俾幾百蚊tips人地), 見到佢d屋企人個感覺係佢地好放心, 好安樂, 因為見到佢老豆有好多錢駛, 又有車, 又有樓, 又有工人又有電視睇.......... 我話, 呢d野無人知道燒左係咪真係有用, 因為無人死左再番上黎講. 但係就係去買個安心啦! 我話自己盡左責任囖, 好難講貴定唔貴. 我話同樣既錢係唔同既家庭, 所引起既困難程度都唔同. 我話同樣大家都係要俾咁多錢, 咁你屋企其他人個個仔女出晒身, 我地2個仲有1x年要養, 你話邊個有難度多d呀??!! 又有d人隨手要拿10萬8萬出黎都係少事, 但係有d人要拿8千出黎都可能有難度. 若講李x成, 10萬8萬對佢黎講係散紙添 coins咋, 跌左都唔會覺囖.  亞嗲聽完佢明我講咩, 所以無再講貴定唔貴了.

***********************************************************後後記:

由於有個朋友既親戚又係係cny走左, 咁佢親戚出殯係遲個零2個星期, 咁我問下佢知唔知大約用左幾多錢, 我只係想知道呢個agent貴唔貴, 若佢唔貴既, 咁有需要時都可以搵佢幫手(因為佢真係搞得幾企理同所有人都滿意d野, 從無push我地買d貴野的, 咩都係叫我地自己揀.). 咁我fd話佢親戚大約係用左6萬度(只計殯儀館d野), 而佢親戚係九龍搞的. 我話, 咁聽落我呢個agent應該唔係貴, 因為最簡單北角搞既一定會係貴d的,呢個就大家都知道的(因為獨市, 咪可以食水深d囖). 同埋, 佢個親戚既家屬係守夜當晚有工作人員問佢攞錢食飯, 呢樣野我地無.