之前都有想過將一d亞嗲既賤野post係度, 等有時睇番都可以笑下, 佢把口同個格都真係好賤的, 成日都撩人鬧佢, 佢以激到我彈起為人身見標(我諗呢個都係佢娶我既原因).
係2010年都有幾多人聽到我同亞嗲既生活點滴之後話亞嗲都真係幾就得我, 其實都係聽得佢地講, 我再諗下……… 都好似係喎. 但係我又想問, 若果個老公唔就自己咁嫁黎做咩呢??!! 我唔知其他人係點, 但係我自己就真係好rely on感覺既人, 所以佢唔就我既話, 咁我地兩個又邊度會啱channel呢??!! 因為我真係唔會就我老公架, 我諗個原因係我自己都係好獨立既人, 所以我真係咁多年黎都無點樣去take care亞嗲的, 其實倒番轉, 我都無覺得佢曾經照顧過我d咩, 所有野我都自己攪掂晒啦, 成頭家都係我打理好晒啦, 我真係無心無力再去理佢咁多野.
今日同個fd講左post亞嗲前幾日係pizza hut既賤野出黎, 所以先的起心肝係我既農場入面劃一塊小耕地俾亞嗲啦.
沒有留言:
張貼留言