今朝一早醒左, 當個腦一開始行番既時候, 燒肉又係我個腦內浮現. 所以我就即刻起身去街市買五花腩黎整啦.
今日買左件五花腩, 個豬肉檔隨手就拿了一件買方形的給我............感覺係, 咩原來成日都有人自己整燒肉架??
已經處理晒啦, 而家風乾緊. 有結果再上黎報告.
1. 五花腩 (我嚴佢唔夠肥)
2. 我買到適合做燒肉的那部份, 見到係個豬毑既胸嗎?? (注意左手邊呀)
3. 煲完之後個樣
4. 呢排我都受左老細少少氣(其實係俾佢激到彈起至真), 所以我將呢舊豬肉當係我老細咁狂插佢. 我特登整起容易d 見到我已經插到佢開晒花了.
5. 插爆佢之後, 就醃肉, 而家風乾緊.
工具: 豬插 (有左佢, 插得都好easy)
工具: 由於今朝去街市聽到10蚊任揀, 所以又走入去睇下, 見到呢個盤都係10雞, 所以立左一個番黎, 就用佢黎long住d野風乾, 貪佢係兜型, 有水都唔怕. 又夠大. 呢個又係一個賤物鬥窮人既好例子, 窮人一定慘敗的!!!
等等等................ 3:40pm
**************************************************************
終於出爐啦, 我整到好脆呀)))))))))))))))))))))))))))))))))))))))))))))))))) 但係...... 我自己將d 好脆既燒肉整到林晒, 原因係我出爐之後cool down左一陣5分鐘度啦, 就切(因為已經開飯啦), 但係太熱, 所以好難切, 咁我就切開d 肉那一邊先啦, d 肉汁 gi 晒出黎, 就係咁, d 皮被d 肉汁整濕左, 所以後尾林左. 我知道佢係脆, 因為我偷食左一塊.
上檯時, 切得越後既已經林左好多. 但係好彩最先切既燒肉依然係勁脆, 我係度咬既時候係聽到好大聲架.
個味道: d 皮ok夠味. d 肉就淡左d, 下次要改良下.
外表: 好ok, 大部份都爆到開晒花
皮: 夠晒脆 (你可想而知我老細激到我幾敏!!)
今次好滿意, 係真係臨尾香, 一手搞到d 皮林左.
光波燒肉食譜
材料:
1. 五花腩 2斤
2. 粗鹽適量
醃料:
1. 紹酒 1 tb sp
2. 薑汁 1/2 tsp
3. 幼鹽 3 tsp (原食譜是 1 tsp, 因為唔夠喊, 所以我加多d下次試)
4. 糖 1 tsp
5. 沙薑粉 1/4 tsp
6. 五香粉 1/4 tsp
做法:
1. 買番黎將豬皮去清D毛, 洗淨, 然後入滾水煲8分鐘. 過冷河, 瀝乾水份.
2. 用豬插將豬皮插鬆後, 加入醃料 #1-#2, 然後再加 #3-#6塗抹於整塊五花腩的皮及肉, 然後將五花腩吊起, 自然風乾5-6小時.
3. 用鍚紙包裹五花腩, 留下豬皮部份露出, 鍚紙的高度要高過豬皮1吋. 鍚紙與五花腩不能太鬆, 最好密不透風. 以免粗鹽跌落豬肉入面.
4. 將粗鹽舖滿五花腩皮(約半吋高鹽), 輕力壓一壓d 鹽.
5. 光波爐 250度光 30分鐘後將粗鹽除去, 小心不要整到落豬肉度, 否則會好喊.
6. 除去鍚紙及鹽, 將燒肉放回光波爐再用 250度再光 15分鐘或至豬皮爆到開晒花就食得.
釘位:
1. 插豬皮真係要插幾耐下, 尤其是d邊位唔好漏左.
2. 光好頭30分鐘時, 將d鹽取出時要好小心, 因為d鹽痴住d燒肉皮, 唔易整出黎的. 我將佢倒完先將d鹽剷出黎的, 免d鹽跌落d 肉度.
3. 由於光波爐整出黎比焗爐juicy好多, 所以切燒肉(完成品)時要放涼後先好切, 免好似我咁, 被d 汁整濕左d燒肉皮, 咁就一命嗚呼了!!
