Happypiano168: 2009

2009年12月28日星期一

借 # 買機保養的問題

有bk 媽咪提出呢個問題, then 有另一媽咪問左店舖, 答案如下:

只需要ling番部機去店舖便可以由店舖替你拿回公司維修. 不需要會員本身親身拿部機去的.

原因: 係我買機時, 佢地要拆開個箱, 將個s/n # 入電腦的, 應該係這原因, 佢地對番部機既s/n # 就可以知道你部機係咪經佢地買的.

以上答案我無去証實過的, 你地最好買之前再問多次個職員確認一下先好買.

2009年12月27日星期日

邊度有得買?? 幾多錢??

x 夫人那部賣 2xxx蚊(我已經講低 model了, 最貴的唔講啦), x國寶那部都係 2xxx蚊. 我唔會話express 好過晒其他 2部, 但係大家功能差唔多, 轉數呢部都有約 25,000轉 - 30,000轉啦, 仲要有埋磨粉/碎肉既配件, 但係價錢只係其他 2部既 1/4, 絕對玩得過.

我自己知自己事, 咩都想玩想試, 我情願用 2xxx蚊買幾部機玩好過了. 光波爐 (當你買貴個部 $1200) + 麵包機 (唔特價$780已經有部 kenwood 250 啦) + express 呢部機 ($6xx), 夾埋都係約$2600有找. 但係我有幾樣野玩喎. 若部光波爐買部砰既($399) 就更加可以 $2600 買夠 4部機玩 tim.

呢部express 只係 ecoxway 既店舖有得賣, 公價係 $9xx, 會員價係 $6xx. 若想以 $6xx 買, 可以留電郵借會員# 俾你去買, 你便可以省回 $60 的入會費了. 或你自己入會買($60 會費).

你可以去以下呢條 link 睇佢既店舖地址啦, 港, 九, 新界都有分店的. 因之前有媽咪曾經試過去到一間店舖買但係佢無貨, 為免白行, 你可以先打去問佢有無貨先啦..

http://www.ecosreg.com/hongkong/tw_hk/announce/stockistCenters_hk.html

2009年12月25日星期五

腰果露 - 即飲版 (有片)

呢個係喺工展會偷師番黎的. 睇完第2日即刻試下. 個效果又幾好喎, 好香腰果味.

做法:

1. 先將 d 腰果煲熟.

2. 將腰果, 奶, 水 (我自己用既奶同水比例係 1:1) 及冰糖放入機一齊打, 打到你覺得冰糖碎晒(憑聲音你聽得出的), 夠滑便可以關機了.

係呢度睇片:

上集: http://www.youtube.com/watch?v=7y7FXoqlUQI

下集: http://www.youtube.com/watch?v=GjBWf_JIUKk

2009年12月24日星期四

花旗參鬆變花旗參粉 (磨粉機出動啦) (有片睇)

新玩具番左黎, 玩左好多果汁, 但係另一個送既配件未用過, 跟據我一貫既作風, 我梗係要盡快玩埋呢個啦.

我摷到個櫃有包花旗參鬆, 所以我用佢黎玩啦. 打算將d 花旗參鬆磨成粉黎煲湯及沖水飲.

其實我平時都會用另一部機黎磨淮山粉的. 用淮山粉黎煲粥, 大人細路都有益.

香蕉muffin

由細到大都鐘意食香蕉蛋糕, 一諗起那香蕉味就想食. 所以又跟人學下整啦, 好好味呀, 因為我d蛋糕係少甜少油的, 健康好多. 又可以等佢2隻野係屋企食到新鮮出爐的蛋糕.

人可以因為d好簡單既野而好滿足的!

2009年12月22日星期二

瑤柱蝦米蒸蛋 -磨碎 (有片睇)

因為好耐之前食過一次姑姐整的瑤柱蒸蛋, 從此好怕食呢樣餸, 因為佢........ 落左好多好多瑤柱, 那次好似食魷魚絲咁, 食到我好驚.

其實我咁多年都有諗番起呢個餸的, 買左呢部express 就試下將瑤柱同蝦米磨碎晒佢, 用黎蒸蛋, 咁樣唔怕 d 細路食左唔消化啦.

係條片入面, 你會見到我磨 2下就停一停, 因為我唔想磨得太碎, 所以停一停睇下合唔合我要求.

p.s. 呢個份量整出黎蒸一碟蛋太多了, 可分 2次用.

芝麻糊 - 即飲版 (有片睇)

呢個係即整即飲版本, 好方便快捷, 想稀 d 既話加多少少熱水再打多一陣便可.

材料:

1. 白芝麻

2. 黑芝麻 (我自己黑芝麻同白芝麻既比例係 1 : 0.5)

3. 大滾水

4. 白飯 (片中的白飯多得滯, 可減少番個份量)

5. 碎冰糖

2009年12月21日星期一

Empress 與其他唔同牌子的同類型機比較

我買左之後, 都繼續研究下其他 2部機的.

我去左工展會 2次, 係佢地個 counter前睇佢地示範. 我覺得每部機都有佢既好處. 如 x 夫人, 佢可以格渣, 有水喉位方便倒 d野出黎(但洗呢個水喉位都係一個問題, 怕d 污糟野積係度遲d有菌); x 國寶可以講明不斷咁打, 令佢不斷加熱( x 國寶都無得格渣的). 呢d都係佢地既優點.

Empress 無得格渣, 亦無講明可以不斷打黎達到加熱既效果, 但係我而家試緊將佢不停咁打到超過 3分鐘了. 原本佢條片只係成日叫人打 1分鐘. 我唔知佢係想強調部機勁定係真係 max只限打 1分鐘. 所以都係我自己膽博膽咁冒住燒機既風險黎試咋, 因為我搵過本說明書無講可以不停咁打幾耐.

雖然佢有呢d 唔好處, 但係佢勝在夠勁(轉數 - 佢既介紹片講約有25,000轉至 30,000轉), 同夠平. 因為其他 2個牌子既機賣 2xxx蚊 (唔講 x 夫人貴的 model, 平既都要呢個價錢). 其他功能, 呢部empress都做到的, 甚至乎可以攪埋肉, 磨埋粉tim, 其他機無呢d功能的.

基於上述所講的既情況, 價錢就係最大既考慮因數. 我成日都覺得, 我情願俾 2xxx蚊去買幾部機玩好過. 2xxx蚊可以買到一部光波爐 (計你買 x 國寶那部, $1200), 一部麵包機 $780 (無特價既 kenwood bm250) 再加呢部 express ($664), 夾埋都係約 $26xx. 若買x 世通那部光波爐($399)成個組合只係 $399 + $780 + $664 = 約 $1900 咋. 我買多部座檯打蛋機都得啦.

再講, 我係d 懶 ling d 野去維修既人, 通常d 維修中心係新界, 我ling去整, 來回車錢都起碼 $50 x 2 (ling去整一次, 整好取貨又一次), 未計檢查費少極都 $100啦, 咁即係過左保養期既維修成本係 $200 (我假設係咁平咋), 我買部新既唔駛煩啦. 若買部 $2xxx蚊既......一定要整啦. 係bk 聽到有媽咪話問過 x夫人那個刀, 若要配番把刀要幾多錢, 個sales話要800蚊, 因為無得單配把刀, 係要成個壺 (連刀)配個新的. 800蚊............夠我買部新既express啦.

當然, 有d人一定要用名牌野既, 所以各人既喜好唔同啦. 我就講求實際啫. 亦明知自己咩都想試新野, 玩得2年, 有新野, 我都可以大條道理換機啦. 唔係邊有咁多野玩呢??

2009年12月19日星期六

私家Q 之攪伴機

呢部機我又係好鐘意的, 佢可以做到好多野而價錢又抵的. 好過我另一部kenwood, 個部我用得著既地方唔多, 只係整蘿蔔糕時先用佢. 個部大減價(陳列品價錢)都要400蚊. 但係呢部唔駛等減價都係664蚊, 所以我覺得呢部正好多. 起碼真係幫到我整到好多野.

Empress 高功能調理機與我的緣份

呢個係我既新玩具啦, 本來完全無諗住買一部新機番黎的. 係無啦啦係bk睇人講x夫人, 見到個名覺得好搞野, 所以入去睇, 有一位mummy介紹呢部平好多但功能差唔多既機, 所以咪8掛睇下d 介紹片囉, 唔睇由至可, 一睇就收唔到制....... 中晒毒, 又奶野.

令我中毒身亡既片係呢度:

http://www.ecosway168.com/shop/prodshow.asp?userid=TW729150&ProdId=R9255

我係一日內睇左幾次, 番到屋企叫個細既又同我睇一次, 到個大既番黎, 又叫佢同我睇一次. 個日我足足at least 睇左4次. 每次睇完就問佢地, 部機係咪好勁呀!! 佢地都話係. 最跨既係.......我嗰晚發夢都見到部機係咁攪攪攪, 轉轉轉, 我仲係度不停話好勁呀! 死唔死.

都算啦, 我同自己講, 屋企已經有好多機啦(3部啦, 一部仲係新既未用過tim), 唔好再買啦, 但係係呢個時候, 部豆漿機壞左喎, 既然個天都提示我係時候要換機, 咁我又研究過呢部機係可以整到豆漿既, 再俾老公睇埋條片........講你都唔信, 我老公睇完即刻叫我買, 真係呢世都未試過幾秒就讚成我買玩具呀! 佢又話呢部機咁勁, 可以整椰汁tim啦, 一聽到椰汁(我好鐘意飲的).......我立即飛身出街買啦. 就係咁, 係天意既安排下, 我就帶左佢番屋企了.

佢的真名係 Empress 高功能調理機 (個名聽完都唔知佢有咩功能, 是嗎?)

Empress 高功能調理機

無記錯呢部機應該係09年12月19日買既. 當初原全無諗過要買呢d機架, 係睇左條片law就中左招了!!

*******************************************************

呢幅野係10年既6月5號寫既, 呢部機曾經係我既至愛(當然啦, 我通常玩親都係3分鐘架咋), 所以點解我prefer買部平既就係因為我都唔擔保我會玩幾耐的.

夏天又黎啦, 可能又係到佢出場既時候啦. 我想整椰汁同沙冰.

其實要整野, 佢都真係一個好幫手黎的.

2009年11月8日星期日

朱古力muffin

好開心找到呢個朱古力muffin既食譜, 因為佢2隻野好鐘意食, 我改左少少, 所以仲更加香濃既朱古力味!!

好正!!

海綿蛋糕

呢個又係係網上見人整海綿蛋糕, 又諗成日係麵包舖都見到有得賣, 一種無咩特別既蛋糕黎, 所以咪學人整law. 點知, 奶晒野, 好鬼死難整的.

於是我又上網問人錯係邊, 又好彩有網友post左一條mrs wai 既示範片出黎, 睇完先知道打蛋既要求係點樣, 我諗我睇唔到呢條片, 呢世都唔駛旨意整到.

好艱難咁整到好有成功感, 個感覺係..............完成左一個大project!!

2009年10月1日星期四

芝麻卷

好耐無食芝麻卷了, 為左d細路可以知道咩係芝麻卷, 所以跟左肥媽那個節目去整. 為左整快d, 多d, 係廚房足足開左3個爐黎蒸, 仲要係唔停手車輪轉咁整. 叫埋工人黎整, 但係........... 有佢同無佢都快唔到幾多, 所以都係只能叫佢做d最簡單既...... 蒸好攞出黎, 倒漿, 放番去個煲度蒸係咁多了.

卷呢個步驟佢做唔到, 整親都爛, 所以我都係自己黎.

我整出黎麻麻地, 因為唔識得將d 芝麻格左渣先去整. 失敗!!

流心芒果布甸

係網上見到人地整呢個布甸拍左切開那一條片, 一睇.............嘩...........好正呀. 我又學人整啦, 個味係ok既, 但係我就唔夠人地咁叻可以整到多d 流心餡, 我只能整到少少咋. 下次再努力d 先!!

自家制蛋撻

係偶然下睇左肥媽那個節目, 見到佢教整蛋撻, 又好似唔係好難咁喎. 所以又學人整啦. 係過程中遇到幾個問題, 如上面燶下面唔熟. 經過上網問人, 自己再去研究錯係邊, 最後都成事.

當整成左之後真係好開心, 因為1x年前已經試過整蛋撻但係失敗, 可能那次係高難度既酥皮蛋撻既關係啩, 所以一路都無再諗整蛋撻了, 因為被打沉左嘛!!

而家1x年後終於成功, 真係好開心, 無諗過可以自家制蛋撻做宵夜的, 個感覺係......... 好似夢幻成真咁!!

2009年9月16日星期三

LE CRESUET 煲

又去左Le Creuset度, 買左一個好靚既綠色 23cm隋圓形煲及2隻綠色隋圓形碟仔&2隻黃色隋圓形碟仔. 另外幫個妹買左一個23cm黃色隋圓形煲及一色紅色獲剷. 全部獵物放晒係到影相............................嘩, 擺埋晒一齊真係好鬼靚呀. 排骨仔同矮妹都話好靚!!

我鐘意呢隻綠色多過第一日去的wasabi綠, 那隻太淺色了. 呢隻sharp 醒好多. 睇住佢, 成個人都醒神晒.

2009年9月13日星期日

煲仔飯

買左新玩具就梗係要..................玩番夠本啦, 唔係一陣隻 "牛魔皇"又係到嘈生晒. 原本都唔知整mei好, 咁啱工人有第2d野做, 今晚要我煮飯, 為了想閃, 所以就想到之前睇過人地既blog 講用 le creuset 既煲黎整煲仔飯係好正的. 煲仔飯.............啱晒我啦, 夠晒懶.

買左隻冰鮮雞諗住整臘腸北菇雞煲仔飯, 後來又怕唔夠餸, 因為真係得一煲飯加一碟油菜咋. 所以後來又叫工人買左10蚊梅頭瘦肉. 而家就變成係 "yuen" "yeung"煲仔飯. 煮緊既時候, 聞到d飯焦味........................嘩................正到爆, 好似用緊個瓦煲仔黎煮既煲仔飯咁, 香到呢..........

但係可惜既係我後來見佢有飯焦味時加左水落去, 最後d飯出黎係淋得滯. 但係d 雞好滑, 真係好滑, d 瘦肉呢, 又係好味. 總括係幾好的, but下次我要再研究下點樣改良佢. 最鬼衰個電磁爐, 一sense到d野燶左就自己off左. 轉去用個明火爐, d火又散既, 所以煮左一排都未見佢滾番.

anyway, 暫時玩左呢個煲2次, so far so good, 係唔知個工人一陣間容唔容易洗得luck d 飯焦啫.