Happypiano168: 02/01/14

2014年2月1日星期六

另一種百合(野生百合) - 不斷更新: 2014.3.25

2014.2.3

呢一棵百合係亞爹拎番黎的, 係野生架, 但係種左好耐都無野睇, 所以我成日懷疑呢一棵係咪真係百合黎. 但係個頭就真係似百合頭黎的. 由於佢太悶, 種咁耐都無動靜, 所以我就幫佢改個名叫做"菠蘿", 因為佢個樣真係好似菠蘿, 尋日我先同亞爹講, 會唔會種種下係中間有一個菠蘿升上黎呢?? HAHAHA

今日幫佢地加肥時, 突然被我發現原來佢又生多左一株出黎. 之前我已經見到另一株, 仲將佢分左盆添, 係成功分到株. 咁我又照板煮碗去分啦, 點知..............奶野, 整開左之後先發現呢棵新株係無根既........咁點算呢?? 又唔可以合番埋佢, 咁唯有盡地博一舖, 照樣分盆種啦. 希望佢生生性性, 幫幫助可以自己生到D 根出黎啦.

呢盆就係今日新分出黎既:

下面呢一盆就係第一株分株啦, 分左好耐啦, 但係到而家仲係好細棵, 反而第2株大過佢好多添呀. 原本得2塊葉架咋, 而家種到四塊啦.

下圖係剛分出黎自己一盆的時候

2014.2.3

2014.2.4

2014.2.5

我每日都去摸下佢, 睇下分株成唔成功.

2014.2.6

分左兩株出黎之後, 又見佢再有新株啦,

咁搞法, 我真係無位擺喎!!

今日再摸佢, 都已經分左幾日了, 我覺得成功無問題.

2014.2.7

見到佢有一塊新既葉仔啦! 最勁既係, 當日分株時, 連根都無一條的, 而家居然成功左呀!

2014.2.16

2014.2.23

而家已經生到7塊葉啦, CONFIRMED 分株成功!!

2014.2.27

呢一棵, 依然都係得4塊葉, 無郁過, 好野!

2014.3.2

2014.3.3

2014.3.8

2014.3.20

2014.3.22

一路諗緊整唔整蘿蔔糕好, 未決定到既時候, 見到團購有呢間, 所以買黎試下啦(去過食晚飯覺得OK才試下咋). 初二食, 味道OK, 係糊口左少少, 都有D 料既, 但係.......都係唔夠自己整咁多料啦. 但係若送禮就真係唔好買佢啦, 個晚去拎糕時, 佢俾個白色膠袋, 仲要係細個的, 送禮俾人真係夠晒肉孫, 好彩我係自己食咋. (同場, 我係拎住西苑既年糕去呢到拎蘿蔔, 真係覺得佢個白色膠袋(都有D 紅色字既)肉孫到爆.

榮華蘿蔔糕, 亦都係諗住佢做開酒樓, 未食過買黎試下, 嘩...................頂佢, 糊口到呢.......... 真係連我呢D 咁既手準整出黎都好食過佢, 好心佢就唔好賣俾人啦, 擺到明就係面皮極厚!!! 咁既貨色都可以拎出黎賣!!

我初三食一間酒樓仔既蘿蔔糕(人地送的), 雖然係無咩料, 但起碼個TEXTURE係OK既, 要慳皮, 無咩料都算, 但係榮華既係連個BASIC TEXTURE都做唔到出黎, 真係好失望!

我諗我都係情願食番美心蘿蔔糕都唔會再買上面呢2個牌子!!

Paul 蔥 (不斷更新: 2014.2.4)

呢D 蔥, 就更加係偶遇過偶遇!! 事緣係因為屋企D 乾蔥擺得太耐, 所以發左芽, 其實都發左成幾日, 我見佢生命力咁強, 所以就將佢放落泥種啦. 唔種由至可, 落左泥第二日已經見佢即刻長高左成寸咁多, 所以就好開心. 亞爹過D 蔥(上面綠色個D) 可以將係平時D 蔥咁用黎食, 我唔係幾信, 所以上網SEARCH下, 點知真係話得架喎. 所以就KEEP 住淋水, 睇住佢一日比一日高. 上圖最矮那一盆, 原本係最強狀, 最高大的, 但係後勁不斷, 俾其他爬晒頭啦.

我一開始係種左4盆共5棵的, 由於.............我又去玩種第二樣, 所以就拎左兩盆俾我亞媽, 咁我咪又有位去玩新野囉. Hehe.

俾左佢之後, 我去過佢屋企3次, 出奇地, 佢種得仲靚過我喎(佢屋企無太陽到的). 今日年初一, 唔夠蔥用, 仲即場剪出黎用黎煮蝦添. 最好笑既係, 我老豆一路都唔知佢地係蔥黎的, 以為係花. 我媽叫佢拎盆蔥出黎剪既時候, 佢走去拎埋盆蘭花俾我媽, 因為佢見全部都係綠色野, 佢又以為係蔥黎的. 我媽即刻叫住佢, 呢盆唔係架.

paul 蔥成長記錄:

2014.1.8 (種左幾日咋, 已經咁高了)