Happypiano168: 1月 2014

2014年1月31日星期五

香水百合花 (由百合頭種到開花)

一路都好鐘意種野, 但係苦無適合的地方. 舊年年尾, 偶然地開始了玩種野的生活.

首先出場既係兩盆百合, 佢地由百合頭($10一舊, 已長了2寸高的芽)買番黎開始種到開花的, 由2013年10月26日種到2014年1月13號開第一朵花. 成個過程睇住佢一日一日咁長高, 出LUM, 個LUMP變粉紅色, 再睇住佢一日開一朵開, 全程都好開心.

買既時候問個老細係咩色, 佢話有粉紅同黃色, 我話每樣色要一舊, 所以到有花LUMP 開始期待, 想睇下佢開黃色花係咩樣的. 見其中一盆D LUM 係粉紅色, THEN 就唯有寄望另一盆啦, 點知....................呃人既, 兩盆都係粉紅色黎既!! 但當我見到第一朵花開左既時候.............................嘩, 好靚呀, 開左朵花既粉紅色靚過D LUM既粉紅色, 所以黃色呢件事已經完全唔記得左了. 每日一起身就即刻去睇下D花, 幫佢地影相, 成日都走埋去聞下D 花香, 真係好香呀.

2014.2.1 上網見到人地講佢既開水百合, 睇到張相, 先知道原來我呢隻係香水百合. 唔怪之得咁鬼香啦!

以下係佢地既成長記錄:

2013.10.26
買番黎既時候就係咁樣衰的, 已經有芽.

2013.11.3 (種左大約8日就咁大棵啦, 由粉紅色變做綠色莖)

2013.12.15 (D LUM 已經咁大個啦)

2014.1.13 (D 花LUM變晒粉紅色(1月8號D LUM 全部仲係綠色架), 準備好就黎開花啦)

2014.1.13 - 1朵花

2014.1.14 - 2朵花

2014.1.15 - 3朵花

2014.1.16 - 4朵花

2014.1.17 - 5朵花

2014.1.18

2014.1.19 (6朵花開晒啦)

野生龍脷葉 + 嘉道理農場龍脷葉 (不斷更新 - 最後更新日期: 2014.2.27)

呢三棵係死剩最後既三棵, 全部都係野生的. 其他個D點解會死晒, 就係因為多得亞爹啦, 佢死話我, 唔係咁種架, 跟住見擺左兩三日都無進展就掉晒佢. 正衰人黎的. 呢3棵(係亞爹搞的)其實之前都係一樣, 無動靜左好耐, 連佢自己都話呢3棵死左了. 只係見有位就放住係到先, 點知呢幾日又見到佢出新芽, 所以佢番生啦.

呢隻龍脷葉既根好得意, 好似條冬蟲草咁的, 好長架. 同我係嘉道理農場買番黎個D唔同種的.

D 龍脷葉好得意, 日頭d 葉會飛起晒的(有太陽), 夜晚放工番去, 會見到佢D 葉貼番住條莖的. 好搞鬼. 所以有時朝早起身, 見到佢, 就會話, 佢地升起啦. 佢D葉升起時, 好似叮噹既竹蜻蜓咁, 好得意的.

點解佢會有野草既呢, 仲要咁大棵添? 原因好簡單, 因為以為佢瓜左, 所以我無理佢囉.

見唔見到紅色一條野, 亞爹話係新龍脷葉喎, 所以我特登影低佢, 到時唔係呢, 佢就知死. 成日係到老作.

好搞野, 條莖變到好似條柴咁, 所以我地初頭以為佢瓜左的.

2014.2.4

一轉左位置, D 新芽生得更快呀, 2日之間, 長左好多呀.

(2日前D新芽只係下圖咁短咋)

2014.2.27

你睇, 佢地大左好多啦, D 新葉都好大塊啦.

呢D 就係之前既野生龍脷葉BB啦,

可惜已經全部升晒LEVEL 上天堂LU.

呢D 就係舊年8月係嘉道理農場買番黎的, 原本種得好好的, 但係我拎左番公司之後, 就唔知點解有D 白色一點點既野, 好似 MO 咁的, 用紙巾抹左之後好D, 但係又再生過. 我問過人, 佢話呢D係真菌黎, 無得救的. 仲叫我唔好野到其他添...........後來, 真係野埋其他花, 所以唯有掉左佢啦. 我話掉, 亞爹死話有得救的, 點知俾佢搞到野埋其他花呀...........!! 超嬲!

入好晒袋, 準備拎番公司.