點解一個好人會有咁既下場??!! - 5?

今日Y番左黎, 因為老細要同佢傾野. 當我見到佢時真係好開心, 因為...............我只係無見佢幾日, 佢成個樣唔同晒, 係好左好多, 精神好多, 斫色紅潤左, 飽滿左. 佢塊面真係紅紅地色架, 之前係完全無呢D色架. 同埋佢D肉脹番少少, 明顯地成個人都精神好多. 係做手術隻眼就紅左. 

佢未知要做手術之前, 個人既精神係好差, 我幾乎想同佢講叫佢LUNCH 叫個D 燉湯又有埋飯的那些公司, 起碼有啖湯飲下. 而呢D湯都清潤或者補補地的, 咁可以幫到佢呀. 不過我只係同W講, 無同Y講(因為W話見到Y有買D 即飲既湯包黎飲).

我問佢而家習唔習慣, 佢話OK, 佢話因為未做白內障水術之前, 睇野都係朦朦地的, 係做完手術就清番晒. 而家又好似未做白內障之前咁樣喎.  我見佢適應到, 個人又真係完全接受到無野, 所以都鄧佢開心.

只係佢每次做野我就會話: 你又做野? 你又番黎? 而佢次次都會答: 係呀, 一定要番黎呀, D野趕住呀! 咁我通常都話: 咁你趕完D野好走啦, 唔好做咁耐啦. 佢答我: 好呀.

而我每次佢番過黎公司, 我都會話俾我老細聽(因為有時我老細出左去佢見唔到), 我想俾佢知Y真係好幫公司的, 雖然我地已經出盡法寶叫佢休息多D, 但係佢仍然係咁勤力的.)  好彩既係, 佢除左第一次番黎半日, 之後都唔係留好耐, 真係趕完急既野就走. 咁都算佢啦.

好啦, Y既野就UPDATE到呢到, 唔再UPDATE啦, 亦希望唔需要再UPDATE 祝佢每日都身體健康開開心心順順利利!

點解一個好人會有咁既下場??!! - 4

今日係星期二, Y尋日做完手術, 今日去覆診睇下效果點. 好開心, 下午既時候, W話Y既覆診話無問題, 好順利.  

我終於都搵到時間今朝打俾Y (原來尋日睇到佢既紙條都想SMS問候佢, 同叫佢多D休息, 但真係好忙, 同埋我好憎同中文SEND SMS的, 因為要搞好耐!!) 我聽到Y把聲好精神(所以又放心多D), 我叫Y乖D, 要休息多D, 唔好再靜雞雞番黎公司做野啦. 我話, 我地BLOCK左佢張入公司既卡(真係BLOCK左架)係無惡意, 只係想佢乖, 休息多D, 唔好再HAU我地放左工之後, 夜晚或假期番黎做野(呢個係佢平時既習慣, 佢話夜晚同假期靜D先可以專心入數喎WHICH又係啱既, 一陣俾老細叫去面聖又唔知要幾耐, 一陣又要去銀行, 又搞好耐, 行黎行去都唔可以專心做). 但而家係非常時期, 佢真係好需要休息, 所以真係無辦法, 唯有LOCK左佢張卡, 佢只可以係我地係公司時先番到入黎, 咁我地係到, 都可以趕佢番屋企休息唔好做咁耐呀!! 呢個POLICY 會等佢起碼做完手術2星期先會UNLOCK佢張卡俾佢入番黎的.  係咪好似湊細路咁呢? 但係無計, 想佢好只有咁樣做.

最好笑既係Y講俾我聽話W個朋友介紹佢去睇個眼科醫生喎, 叫做李佑榮醫生. Y話佢好好, 好細心同佢睇隻眼, 仲話因為朋友介紹黎既所以收平左佢.  我一路聽, 我其實係到笑緊, 笑佢好似細路咁咩都唔知, 其實係我同W安排好叫佢去的, 佢仲好開心咁話俾我聽個醫生好好. 我一路笑一路心講: 邊到有朋友介紹你去呀, 係個醫生好人, 自己收平你咋, 傻佬.  (可能係佢平時做得好事多, 幫得人多, 所以好心有好報俾佢遇到個仁醫啦.)

聽到佢今次把聲, 覺得佢情況好好, 所以真係好放心笑得出了.