由於相機無電, 所以只係影左2碟, 其實我地4個人叫左4款唔同既午餐, 全部清晒, 因為幾好味. 我地好彩, 去到剛剛有最後一個卡位, 所以唔駛等直入啦. 原本都諗住係一般茶餐廳水準, 所以都無咩期望, 尤其是個湯黎先, d湯只係微暖, d餐具仲要叫個姐姐先拎黎.
但係當大兵佢碟飯黎先又話好食呀, 跟住我地又一人試一啖, um.....又真係幾好味喎. 然後就陸續黎, 又不停咁食一啖, 出奇地, 係4碟都o喎 (ok咁解), 4碟都幾好味. 同埋佢d野唔係一般茶餐廳咁煮完就算, 你見到佢係有d 心思的, 即係碟野唔會得一個顏色, 會加d 蔬菜, 多d顏色, 食都開心d啦. 小冰最初問佢叫咩, 佢話唔知, 因為佢唔想食(我問佢係咪病, 因為無咩幾何佢會話無胃口的, 但係佢又話唔係病喎), 後來佢碟雜排意粉黎左, 佢一條友食左9成啦, 因為我地叫大兵食左半塊肉, 另外亞嗲又食佢半塊肉, 其他既小冰一個人食晒啦, 咁你諗下好唔好食!
呢間野真係ok, 下次再encore (不過唔知何年何月何日了!!)
