午餐肉
鹽餅
由於小冰之前一晚已經知道會有呢3樣手信, 所以當佢收到之後就即刻 - 點貨. 逐件逐件睇下. 跟住見到有張香水紙(sample)係到, 即係笑晒, 佢條友好變態的, 好鐘意呢d 香水紙架. 仲話將佢放係枕頭底喎, 話會好香喎!!!
番到屋企都3點幾, 所以就拆左呢盒紅芋草餅黎食, 好彩唔係太甜(都係甜, 但無一般日本野咁死甜), 不過..........我麻麻地, 所以食左一件算了. 我食完入房睇埋套戲既大結局, 出番黎時(1個鐘頭都唔夠)呢盒野已經係呢個世界上消失左了(俾人食晒啦).
未番到屋企前, 我同小冰講, 不如將d午餐肉用黎夾麵包做早餐啦. 小冰唔肯, 佢話唔想d麵包濕左喎, 我解釋俾佢聽因為午餐肉熱, 所以個d係蒸氣黎的, 但係佢死都唔肯, 只係肯用黎做餸食咋.
鹽餅佢好似話帶番學校食喎, 不過仲未開.