自家制蘿蔔糕VS不知名酒樓蘿白糕

上面呢2張相係我自己整既蘿蔔蔔糕.

下面呢2張相係人地俾既不知名酒樓蘿蔔糕.

大家睇完覺得點呢?? 唔駛試味, 一睇就唔想食啦, 不知名酒樓個D 係無咩料的, 就算係有, 都9成半係蝦米ONLY!!!! 大佬呀, 一年先食得一次, 唔駛咁刻簿呀??!! 當然我個D係有不足之處, 就係唔夠實唔夠企身.  但係就好有蘿蔔味同多料. 而LEE D呢..........一食落去, 嘩..........腥到亞媽都唔認得, 鬼咩, 咁死多蝦米, 唔腥就有鬼啦. 亞嗲同大兵話OK喎, 我叫佢地食晒佢. 最後淨番係到個D, 亞嗲咪又係倒晒佢, 原因係........我話明我唔會食的, 佢食就佢自己煎.

今晚食咩餸 - 2012年1月29日

 

我諗係呢個時候, 個個屋企都會做同一動作的, 就係清糕大行動, 我都唔例外, 所以就煎左D蘿蔔糕, 年糕黎當晚飯就算. 但係............唔夠飽架嘛, 所以就煲左D白粥啦, D糕肥膩, 清下腸胃都好.  係浸米之後, 突然間諗起亞嗲之前拜神我留番D 豬腳係雪櫃喎(因為真係完全唔記得左LU), 雖然得2舊, 但係唔用埋黎煲粥就係煲湯, 咁就一於煲粥啦.  

D粥煲得超綿, D米開晒花的, 所以好好味, D粥係全部食晒!  碟鹹豬手係因為去OSIM買枝按魔棒後行超市時買的, 所以呢一餐又係9唔搭8餐既好例子啦.

1. 蘿蔔糕
2. 年糕
3. 鹹豬手
4. 咸豬手粥