呢個就係我地既聖誕餐了, 除左沙律之外,
其他野都係買番黎的, 但係……….全部都係我想食既野, 每樣少少, 最後食晒, SO GOOD!!
2012年12月26日 星期三
2012年12月23日 星期日
2012年12月17日 星期一
2012年10月31日 星期三
大眼雞除左可以買黎食之外, 仲可以買黎做咩??
接小冰放學, 行過街市, 見到有D生猛既大眼雞仔, 心即刻諗, 滾湯就正啦, 可惜既係, 我已經買晒餸. 死唔心息, 係到諗, 仲可以買黎做咩呢? 咁細條, 無理由蒸架, 都無肉食啦. 跟住特然諗起屋企個魚缸, 跟住已經開始笑晒咀, 覺得好好玩喎, 但.............我大個啦, 都係忍手, 唔好買啦. 小冰架車未到, 我打俾亞嗲, 同亞嗲講, 不如買大眼雞黎養呀? 亞嗲話, 點會養到呀, 實香啦. 我: 預左架啦, 不過買黎玩下之嘛, 個魚缸有大眼雞你唔覺得好得意咩? 嗲: 得意(好被迫既答案).
接左小冰之後, 我同小冰講, 再行過時指住俾佢睇, 就係呢D 魚啦, 最後, 當然就係買左2條番黎啦, 即刻搵個氣泵養住佢先, 到亞嗲留番黎再搞啦. 最初, 其中一條半死反肚架, 後來我將個氣泵拎埋去佢身邊之後, 情況先有好轉. 再過多半個鐘, OK喎, 好似無野了.
亞嗲番黎, 將佢地放落魚缸, 一條就LAY左去一個角落到唔敢出黎, 另一條就霸左一個位置無咩點離開. 再過多幾個鐘, 上面那一條都游埋落黎啦, 2條一齊游. 好得意呀, 屋企個魚缸有一對大眼雞係到游水, 好搞野.
到第2朝起身, 第一件事唔係睇對仔女, 而係去魚缸睇下2條魚, 嘩, 勁!! 仲游得好好喎, 過左一晚都無事呀! 點知, 到下午突然間見到其中一條反肚, 再過無耐另一條都反埋, 結果就......................2條都仙游了!!
2012年10月30日 星期二
2012年10月28日 星期日
2012年10月24日 星期三
2012年10月22日 星期一
10月永安大減價, 略盡綿力, 捐左少少血!
呢隻海蜇應該以後都再唔可以係永安(上環先有, 太古都無, 我特登再去上環買的), 以後就要打電話去代理問佢係邊到有得賣了, 所以我特登影低個背面代理既電話備用.)
極力推介呢隻喜記蒜蓉, 之前未食過的, 買黎試下咋, 但係.................一試難忘!! 得閒再開另一個專POST講佢先.
買黎整麵包, 但佢勁D "雀粟味" WHICH 我好怕的, 所以我而家都只係落大約10G一機包就算了, 費事好難聞! 不過貪佢有益囉.
2012年10月2日 星期二
殿堂級自家制甜品專門店@天后
睇完火龍, 搵D野食. 其實原本去另一間, 但係滿晒座, 我又完全唔想等位, 所以就黎左呢到試下(呢一晚係試業, 未正式開張的), 問左位小姐有咩好介紹, 佢就推介左呢個, 嘩, 真係幾好味又抵食喎. 我地好快就食清啦. 另一個火焰雪山, 因為好遲先黎, 所以等到悶晒, 黎到.....................EEEEE 苦既, 因為有酒呀, 所以苦, SO 我地唔鐘意食呢個, 好勉強先食得晒咋. 下次情願叫2個香芒雪香好過, 個個都鐘意食, 又食得開心!
2012年9月24日 星期一
出前一丁親子烹飪班
大兵細個時我有同大兵玩過烹飪班的, 那時大兵好開心架. 今次有機會所以就俾番個回憶小冰, 咁樣會fair d.
今次其實佢教既野好簡單, 對小冰黎講叫做簡單得滯, 同埋, 佢地真正可以動手既機會唔多, 所以其實小冰既開心程度及滿足感都唔及上次大兵係towngas玩咁大.
反而我最開心既就係………………送左呢條出前一丁圍裙俾我啦, 因為好靚呀, 唔捨得用, 我番到屋企摺好佢留念呀!
2012年9月22日 星期六
2012年9月14日 星期五
今晚食咩餸 - 2012年9月13日 (全意粉)
下面個碟意粉就係一早諗好點整的, 但係上面個碟白汁意粉就係臨到煮既時候先發覺D雞排係咁鬼細塊. 所以就唯有分開兩碟啦. 咁煮多一碟又唔想咁悶又係黑椒意粉嘛, 所以個腦入面突然轉出一D我之前上網睇過既資料出黎....... 就係白汁啦, 因為我雪櫃入面仲有淡忌廉係到, 所以不如清下貨啦.
由於我係已經煮完一碟黑椒意粉, 所以我根本無時間上網去SEARCH 白汁意粉係點煮, 只係馮記憶再加自己既所胃經驗試下煮, SO FAR 煮完出黎食落又OK喎.
下圖係一個普通大既康寧碟, 而上圖係一隻26CM既易潔平底镬, 我真係無諗過居然會全部食晒, 係真係全部呀!! 我原本係打算留番D FOR我第2日既LUNCH架, 點知, 清晒! 真係想唔做野都唔得, 養佢2個真係要400萬呀!!
DIY 組合書櫃仔
後尾再買多4個番黎的.
又過左一個學年, 所以又一如以往地產生大量書/紙/簿呢D野出黎要清左佢, 但大兵間學校又話D野要KEEP住, 即係唔可以掉啦, 咁唯有向外發展搵更多空間出黎啦. 之前係日本城見過D櫃仔, 所以接完小冰後就去日本城睇真D佢既大小, 同小冰2個係到研究左一陣, 記低D呎寸, 番屋企即刻度下地方, OK喎, 可以放得到, 所以又拿拿林同小冰落街買番黎啦.
由於亞嗲今晚唔番黎食飯, 所以食完飯我就即刻郁手開工了, 因為我無可能等得到亞嗲番黎先拆的. 真係好彩, 呢D櫃係有印埋數目字的, 又有圖, 所以叫做有得跟下點樣去砌, 但係..................... 我都搞左一排先搞得掂, 係未搞得掂之前, 我係到諗...........我由細到大都未試過砌一副PUZZLE 或者係模型的, 唔怪之得啦, 因為我絕對係呢方面既白痴呀!! 基於我死都要玩唔等得既性格, 所以我又再叫大兵幫手睇下點搞, 後來終於俾我舞得掂佢啦, 不過上羅C上到我手軟, 所以就點大兵幫我上埋佢啦.
整好晒之後, 再擺黎睇下, 嘩, 好靚呀, 又好用, 可以將D野分好類別咁擺, 非常好用. 最初只係買左2個番黎試下, 後來亞嗲第2日見到都話超正, 所以又買多2個, 但因為我同佢出現左誤會, 所以後來變左每人各自買左2個番黎, 最終就變成而家既6個啦! 以69.9蚊(有一個綠色少一塊版既係$59.9)一個黎計, 佢D料算好, D色又靚, 又可以組合或單獨擺放, 又可有圖教埋你點整, 所以真係VERY GOOD, 值得推介!