1. 沙嗲豆角炒排骨
2. 清蒸鯰尖
3. 即食辣菇(蒸熱就食得)
2012年6月28日 星期四
2012年6月22日 星期五
Empress 高功能調理機 (果汁機/豆漿機/熱飲機/磨粉機/攪肉機)又減價呀 - $660咋! (至2012年7月14)
睇到宣傳單張, 見到佢減價, 不過係加左價之後黎減價(因為佢既貨品係6月1日全部都調整價錢). 而家減價係660蚊(會員價), 想借會員#既就留私人留言啦.
今晚食咩餱 - 2012年6月21日 - 菠蘿青瓜火腿雞粒炒飯
今次呢個飯炒得唔夠味, 下次再研究下點改良先. 呢到煮左4嘜米(平時食開3嘜), 食晒, 連飯都無得帶!! 可能有d菠蘿係到, 甜甜地開胃.
永安大減價
又到左考試時候, 又係我發顛既時候了, 真係溫書都悶得死我!! 再加埋公司好多野做, 想放假都唔得, 仲要番一個sat添, 所以身心都極疲勞!! 係悶到呢.................想死!! 因為上年帶落黎既假要係6月30日前清左佢, 所以就揀左係小冰考試時放啦, 上午小冰番學, 所以我就鼠左去行jusco 同永安了. 呢到全部野我都係無諗住買的, 係去到見到先想買.
張氈我摸到佢好軟熟, 好滑, 我諗小冰一定好鐘意的, 雖然個款我唔係超like, 但係無其他一樣咁好既質地而又再靚d既, 所以最後行番轉頭買左呢一張. 到小冰番到屋企見到, 佢真係好鐘意呀, 仲係即刻攬住添. (原價$52x, 而家特價$298)
支磨油因為之前睇人地話呢隻勁d麻油味, 見佢特價$24.9, 所以買支試下啦.
之前轉左用欖油黎整麵包, 發覺超方便, 所以今次試下用葡提子油, 而家大減價每支$40.9.
呢隻咖哩我地好鐘意食的, 貪佢好香又方便, 而家$9.9/盒, 所以又買左2盒睇門口啦.
同場加映我係jusco買左既kim chi, yummy!! 今次買大盒(因為佢有特價), 可以食番夠本了! 大兵都好鐘意食架.
