自家制全蛋麵

呢到係第一轉麵既圖片(份量)

1. 鴨蛋2隻

2. 鹽 及 梘水(食用梘水)

3. 中筋粉 300g (white wings 中筋粉)

4. 用麵包機將材料攪成麵團.  水  4 tb sp 逐水加入 (夏天時整, 只需要3 tb sp, 可能今日天氣太乾燥, 所以要多 1 tb sp既水)

5. 變成麵團後, 用保鮮袋包好放置雪櫃 20分鐘.

6. 20分鐘後取出, 用壓麵機將粉團壓扁, 然後用壓麵機切成麵條.  切麵條前, 緊記在2邊都要撲上散粉(我用高粉).

d餸係打邊爐食淨既, 求其放晒落去便算啦, 整完第一轉已經好晏了!!

另到係另一份麵團整出黎既麵, 一份可以整到3盒. d麵未陸之前係咁樣.

d麵陸左之後係咁樣. 陸完就過冷河放係雪櫃, 食時再整番熱佢便可.

材料(當然仲有水啦):

由於有人提起壓麵機, 所以突然間又想整麵.  一係唔整, 一整就整夠2份啦. 所以而家雪櫃就仲有3盒幾係到, 因為一份入面已大半我已經用左佢黎做lunch了. 其他既就全部陸晒佢, 過晒冷河, 放係雪櫃, 幾時想食只要陸番熱佢便可以了, 方便好多.  一定要過冷河呀, 否則會好杰的.

無諗過又整左幾個鐘, 都係我手腳慢啦, 又整左3個幾鐘, 真係抵玩到爆!!

今晚食咩餸 - 2011年12月10日 - 打邊爐上集

生筋/象拔蚌/鮮冬菇/金菇


黑椒牛丸/墨魚丸/炸魚蛋/黑椒豬肚丸/龍蝦丸/芝士包心丸(有部份已經等唔切跌左入個煲入面了!!)

肥牛/魚皮餃/脆肉鯇魚(又係自己切的)


生菜/唐"好"/西洋菜


呢到半條鱔, $105了.........比以前貴左一倍!! 我唔鐘意叫魚檔既人切, 因為佢地通常切到好厚又大舊的, 所以我情願自己番屋企慢慢切.

影漏左d 炸魚皮.  不過d 炸魚皮都唔記得左拎出黎食, 完全無開過!!  d野食4個人都食唔晒, 所以就有下集啦.

一年一度既工展會又黎啦!!

呢d係12隻裝既鮑魚, 一罐單賣係$398, 買3罐呢就變成$368 x 3, 每罐平左$30, 再送多一盒麵(紅色個盒,6個).  買滿1000蚊可以加$38換一盒瑤柱麵.



人地話張榮記d麵好食, 所以又買黎試下啦. 係個度試食時, 試左蝦籽麵, 好香蝦籽味, 見到好多蝦籽的. 呢度$108/5包同價任揀, 每包5個麵.

肥滔既xo醬, 見佢好多好多瑤柱, 幾抵, 所以買左樽($108).  有入場那本coupon, 可以送支頭抽仔.


你睇, 幾多瑤柱.

呢d 炸菜都o架, 貪佢方便, 一包入面有3小包的, $30/4包.


呢d係上次永安大減價, 2隻野試過話好食的, 所以今次再買. 呢度係$100/13pack

呢d係亞嗲買既, $45/盒, $110/3盒. 個味好似橙汁咁的.


漏左影呢d炸魚皮, 我每年都係工展會買的, 4日之後補影番, 影完相都食左一包蕃茄味, 正! $30/5包.  包紫菜味一買番黎已經被小冰開左黎食了.