好耐無食蛋撻啦(講緊係自己整呀), 上個星期已經想叫工人整(YES, 因為我懶所以唔想郁, 只係想食),但係因為突發性諗起, 所以唔夠時間整. 一個星期後既尋晚, 終於叫左工人今朝整定, 頭先3點4就焗黎食.
個食譜一份係可以做到12個的, 呢度係焗左既10個入面食剩既4個, 另外仲有2個留番俾亞嗲, 而家佢番緊黎, 叫左佢差唔多番到時打俾我焗俾佢, 咁佢番黎就有熱辣辣新鮮出爐既蛋撻食啦.
其實平時整唔係用呢D心型模的, 但係個D銀色模唔係屋企, 所以尋晚就好急咁即刻叫工人搵下有無其他模啱用. 當然, 佢梗係話無啦(因為佢都無咩點搵), 我跟住話我咪有D心型既模係到囉, 就用個D啦.
呢D心型模整出黎係靚D, 但係食起黎唔夠銀色個隻咁好, 可能因為佢大得滯, 所以D 蛋漿唔夠高身(因為D蛋漿被攤薄了, 所以好似無咩蛋漿咁), 所以無咁好食. 大兵食完都係咁話. 小冰好似食左4個, 一陣佢番黎再問下佢先. 不過佢就算唔係食左4個都肯定食左3個!! SHORT SHORT地的, 人又細粒但係又可以食好鬼死多野的.
呢2個就係亞嗲既.