今日既晚餐係五餸一湯, 點解煮咁多餸?? 因為我口痕, 好想好想食野, 所以就買下買下有咁多囖. 其實………我仲想買鮑魚仔架, 但係今日貴, 所以唔買啦. 又想買梳蘿魚, 但係又已經買左今日既湯, 聽日工人又放假, 所以都係唔買了, 唔想擺到星期一先煲.
全部餸都係我買(除左d菜),
但係全部都唔係我煮既, 有d就之前已經教落工人啦, 有d 就今晚口述教個工人煮, 我洗d墨魚仔已經企到腳軟了(因為我又整左7,
8個鐘頭蛋糕啦!!)!!!
1.薑蔥炒蟹
2.蒜頭豆豉炒蜆
3.蝦仁炒蛋
4.豆角炒墨魚仔
5.清炒生菜
湯: 土伏苓牛大力地老鼠紅菜頭湯(高速煲都煲左40分鐘, 即係普通煲既4個鐘呀, 呢d湯係要煲咁耐的)
今晚食得好滿足, 因為除左碟菜全部都係我想食既野, 若有埋鮑魚同白灼蝦就...........夫復何求了!!
