剛剛整好左, 但係個樣好ugly. 可能因為d cream 溶得超快, 又或者係我手腳太慢, 再可能係因為生手, 所以........樣衰衰食煎堆啦.
整呢個cream cake全因一個魔鬼friend, 因為佢魔鬼到整埋請我地食, 食左2次, 大兵同小冰係咁話好食, 叫我食. 佢地又真係好鐘意食, 咁無理由成日等人整黎食架, 人地唔介意我都唔好意思啦, 咁咪唯有的起心肝試下整囖, 當然都好多謝呢位魔鬼之友一路鼓勵我試下整, 所以去買材料啦. 講你都唔會信, 我其實已經有晒整呢d cream cake既架生, 只不過買左成年都未夠勇氣去整呀! 成日都因為覺得d cream 好難整, 所以唔敢郁. 因為係街買既野, 通常我一般都會覺得難整的, 諗住自己實整唔到. 我諗唔係見佢2隻野真係咁鐘意食, 又唔好意思個 fd 成日整俾我地食, 我都唔敢行出第一步. so far 個經驗都叫做可以, 係 敏 cream 時真係有d拿手唔成世. 因為d cream 真係溶得好快, 我手腳又慢, 兩樣野成反比. 係整好晒個蛋糕, 放左入雪櫃之後. 好relax 咁望一望張檯, 死...........點解個吱袋有野係度架???!! 原來我d cream 未用晒, 就咁放左係度唔記得左. 於是又係雪櫃拎番個蛋糕出黎, 再吱埋d cream 佢啦. 唔好side嘛. 所以你見到第2張相係第一次完成既樣. 而第一張相就係發現呢個吱袋之後再亂咁吱埋佢既樣.
睇多兩睇, 個蛋糕好有聖誕 feel!
