呢一機包係整俾亞女做 tea的, 叫工人開機, 係小冰放學番到屋企前10分鐘度出爐, 咁佢地一番到黎工人先拎個包出黎放涼, 跟住同小冰沖完涼洗完頭出黎若超過25分鐘就食得, 未得就做住功課等食, 咁小冰就有新鮮既麵包黎查jam做tea啦.
*****************************************************************
呢轉方包係今朝我出門口前掂下佢, 發覺唔同平時咁, 變得硬左d, 我諗真係同網友所講既相對濕度有關, 因為前日得43%, 而尋日我自己覺得更乾添(因為我都頂唔住要渣cream). 之前既方包都無變硬呢個情況的. 再留意下呢樣野先.
尋晚整左呢個咖啡包, 一出爐時食, 覺得唔夠香架, 但係今朝食就ok, 可能係一路整既時候已經習慣左那個味. 另外就係唔夠甜, 所以爭d, 下次若齋食包既話就要加多d糖.
今朝因為無同工人講聲,所以佢照舊幫我d包查左jam (咖啡包都要查jam???!!!), 咁都查左唯有照食啦, 咁又出奇地ok好喎, 因為個包本身唔夠甜, 所以加埋d jam既甜味就match番了.
尋晚出爐時食過係軟熟架, 但係今朝食時係硬左d. 平時d方包就無呢個現象架.
今次用左:
水 190g (有30g變成熱水用黎沖開d咖啡粉)
咖啡粉 5g (先用上面190g入面既30g熱水開左d咖啡粉先, 放涼後加入d普通水入面)
高粉 300g
奶粉 1.5 tb sp (可落可唔落)
(庶)糖 1.5 tb sp (唔夠甜版) 3tb sp (甜版, 呢個係我估計咋, 未試)
鹽 3g
牛油 8g
酵母 3g