麵包布甸

麵包布甸 Bread Pudding

http://shirleyliving.mysinablog.com/index.php?op=ViewArticle&articleId=1566763

材料: 有皮麵包  2-3片

      鮮奶  200ml

      淡忌廉  100ml

      雞蛋  3隻

      牛油  10g

      提子乾  40-50g

      砂糖  40g

      黃砂糖/啡糖   適量 (灑面用)

 

烹調步驟:

(1)    預熱焗爐200^oC

(2)    牛油用熱水座溶

(3)    麵包切粒放在模內, 加入提子乾

(4)    雞蛋和40g砂糖拂勻, 加入鮮奶, 淡忌廉和牛油拌勻

(5)    倒入麵包中, 用叉把麵包輕輕按壓, 確保麵包能全部吸收蛋液

(6)    麵包面再均勻灑上提子乾, 靜置15分鐘

(7)    將麵包布甸坐於注入熱水的焗盆中，以200^oC蒸焗約30分鐘至完全凝固

(8)    取走熱水, 在布甸面均勻灑上砂糖, 放回焗爐內用200^oC焗約10分鐘至表面金黃即成 

小貼士:

(1)    我用生命麵包, 由於比較細片, 所以我用3片, 但如果用普通size的麵包, 用2片左右便足夠

(2)    麵包切得太大片或太小片都會影響味道, 太大片的話麵包之間空間不足, 容易拌得不均勻, 太小的話又會鬆鬆散散, 影響賣相, 所以我將每片生命麵包切成9粒, 這樣剛剛好

(3)    麵包皮會令到麵包布甸表面香脆, 所以我會用有皮麵包, 喜歡的話也可以用無邊麵包, 這樣做出來的麵包布甸更軟滑

(4)    表面灑上砂糖會令麵包布甸更脆, 而且可令布甸表面更金黃

(5)    加入牛油令麵包布甸更香, 用菜油或橄欖油代替的話會影響味道

(6)    喜歡的話可加雲呢拿油, 玉桂粉等作調味

(7)    剛剛出爐的麵包布甸會鬆軟膨脹, 所以模內只能盛8分滿, 焗好後宜馬上吃, 否則攤涼後會像疏乎厘般塌下

(8)    麵包布甸可以預先焗好, 放雪櫃內最多貯存3天, 臨吃前放入已預熱180^oC之焗爐內焗約15分鐘至鬆軟膨脹便可

基本白麵包 - 象印麵包機

今次輪到試TIMER 呢個function, 所以就揀左呢個基本白麵包黎試(即係普通方包). 夜晚放好晒d材料入去後, 就叮囑工人, 叫佢第2朝起身第一件事係ling個包出黎放涼先, 因為要趕住準備早餐俾亞嗲, 所以時間上要配合得比較準(因為個包要放涼後先可以切). 叫左工人切好d包之後放係碟上面等我起身影相.

呢幾晚都訓得唔好, 所以2日都見頭暈. 今朝叫工人帶亞女番學等我可以訓多5個字先起身啦. 我夜晚起身去廁所後睇下個鐘係差唔多3點am, 我入去廚房開燈睇下個機開始郁未, 點知…………… 原來佢已經變成麵團了, 跟住我就安心入番去訓覺, 但係點知訓唔番!!

今朝起身, 見到d包好似唔夠高大, 同埋覺得工人切得太厚(差d有厚多士咁厚), 所以打左個折頭啦. 番到公司食, 咦, 好好味喎, 好味既原因就係因為佢夠厚(哈哈哈), 加埋d jam係度, 真係好似食緊厚多士咁. 可惜既係, 我食完兩塊麵包之後, 唔夠一陣已經肚餓了!! 唯一既缺點係d 皮”un”左(但係都可以接受的), 上網見到人話係因為無加任何改良劑既原因, 聽到後又覺我 好d, 因為起碼唔駛食咁多化學野, 自家制既野係最天然的呀!

結括黎講, 我覺得今次係成功的(因為我覺得個包真係好軟熟, 有包味. 唔係軟得黎好似食緊風咁.).

下次再搵第2樣野試下.

* 由於我放材料之前係無睇過個食譜要咩材料的, 所以落左水, 之後先發現原來要用奶粉的, 咁我屋企去邊度搵奶粉啫, 咪莊有用奶代替啦, 當我又落埋d奶落去之後我先醒起買既時候職員話蛋, 奶, 呢d唔好用黎做timer包, 因為怕會變壞. 死啦, 我已經落左咁點好呢?? 倒晒佢唔係問題, 只係無其他timer包我可以有晒d材料喎, 咁咪做唔到囖? 最後, 死就死啦, 最多聽日食一啖睇下有無變壞先再食多d啦. 好彩, 今日食左係無事. 所以今日要去買奶粉了!!