蘿蔔糕 第2回

係屋企就黎悶到發顛, 所以叫工人買左蘿蔔番黎又整蘿蔔糕, 想再SURE D上次既份量是否OK.

*************************************************************************

用左佢黎做消夜食(1月16號晚 9點幾食消夜), 大兵死都話好肚餓係都要煎半底(因為我怕食唔晒). 唔知係咪今次雪得幾個鐘太少, 所以個實既程度係淨D的. 而個味................我嚴佢唔夠味, 下次再搞搞佢先.

************************************************************************

1月17號晚再用佢黎做宵夜(都係9點幾食), 同一底糕, 但係個味道同個實既程度真係好唔同. 今次係剛剛好啦, 之前一晚未雪過夜食就係欠左少少既實度, 而雪左過夜之後呢就剛剛好.  個味道16號晚食既係唔夠味架, 個單係單調的. 但係雪左過夜之後食個味ok夠啦, 唔再係咁單調啦, 我諗係因為d蘿蔔之前唔夠時間去煮d味入去.

今次呢個食譜可以大量起貨啦, yeah!!

職前培訓

由於由12月已經叫大兵溫書,到而家都1月1x號啦, 我因為溫書足足困左成個月, 我真係就黎顛. 我真係無心機同小冰溫書, 所以就叫大兵同小冰溫.

我同大兵講, 佢第時大d都要去幫人補習賺錢幫補屋企, 所以而家佢實習下點樣同人補習啦. 我叫佢幫小冰溫數學, 我叫佢出題目俾小冰做, 佢錯左就教番佢. 佢個死野, 粗聲粗氣咁教小冰. 我話, 你第時去同人補習, 你咁樣教人D仔女, 你一堂之後就實俾人叮走啦. 佢話: 我唔同佢幫添呀.(死得佢呀, 以為佢好多客咁喎)

 

於是我就坐係度, 一路睇大兵教小冰, 一路係度TUNE大兵同人補習既SKILL同埋態度. 一黎我唔駛同小冰溫書, 因為我真係無心機同佢溫, 佢係一個超唔小心既人, 溫黎都係SIDE我時間同心機. 所以就將個波交俾大兵啦!

馬拉糕 - 失敗篇

上網時見到人地話整馬拉糕, 我一向都好鐘意食的, 所以又身痕整啦(因為我屋企全部材料都有齊).

整完一睇個樣就知道衰左啦, 都發唔起的. 我下次會再同佢作戰的!! 等我!