呢度就係Teddy Bear Farm, 入面全部都係咁樣用D Teddy Bear 模擬唔同既情況的. 都係個句啦, 第一次睇就ok既, 但係再去就........... 無咩吸引力了.
呢個就係團餐包左既..................雜菜鍋同麵(頭兩張相), 當然仲有d 泡菜既. 稍為要少少體力郁動(唔係勞動呀)既人都一定唔夠飽law.
下面所有野相係自加2個人份量既海鮮餐. 港幣$250一位, 呢度係2位既份量.
呢度就係酒店房入面既OPEN KITCHEN啦, 導遊話若煮過野既話, D碗碟個D係要自己洗番好的.
呢度部份係導遊介紹俾我地既飲品, 佢話好多香港團友都鐘意飲的. 順序落, 左1 - 鮮奶; 左2 - 香蕉奶; 中間 - 士多啤梨奶; 右1雪梨汁(唔知好唔好飲呀, 買左無飲漏左係酒店雪櫃); 右2 香口珠(咁大樽都係港紙7蚊咋(特價))
由於係凌晨機, 張飛機鄧又超唔好坐, 所以真係無覺好訓. 好彩係機場個領導派牙刷俾我地, 梳洗一下個人先精神番d. 上旅游巴後就一路大覺訓..........訓得好林.
訓左個零2個鐘度, 停車俾我地去下廁所, 訓左呢一覺, 個人又差得多左電啦, 所以又精神d. 見到有野食賣, 想買黎食, 但係...........個樣唔得, 所以無買.
再開車半個鐘度, 就去到teddy bear farm, 之前聽同事講話值得去睇下的. 咁當我去到, 覺得睇一次就真係ok既, 但係若要俾錢買飛入去第二次就唔駛啦. 佢其實係用好多唔同既teddy bear去整唔同既環境, 睇下就真係幾得意既. 影下相咁.
再開車就係去食午餐(大元花園-韓式燒烤), 呢間係食燒烤的, 但係只係得豬, 無其他野可以燒, 真係dry 到爆. d 豬都一般啦, 只係心諗, 通常第一餐係最差的, 咁呢個已經係最差既話, 都叫做好彩啦. 間野d抽風超唔得, 煙到我對眼好辛苦. 真係一次夠晒數了. 好似導游話齋, 食飽就算了(雖然都係唔飽).
好啦, 又開車啦, 今次係去渡假村酒店了(雪嶽山/韓華渡假城), 間酒店一d都唔靚的, 但係就係家庭式既渡假村, 我地俾晒4個大人錢, 所以個領隊俾左一間大d既房我地, 有成3間房的. 但係俾左一間房我地係第一座的, 一開門已經有陣味, 都算了, 入到去見到有幾隻污英(fly),開其中一個廁所門見到有3, 4隻係度. 2隻野好怕呢d的, 係咁大叫, 鬼殺咁嘈. 後來亞嗲頂唔順, 所以去counter度要求換房. 亞嗲話佢要求睇下新那間房先ok先搬野. 咁好彩第2間房ok, 所以先有覺好訓. 咁樣搞一搞又無左成45分鐘. 一換完房我第一時間訓覺啦.................. 亞嗲叫我地起身夠鐘去水上樂園了, 我好眼訓想唔去.......... 最後搞到遲左7, 8分鐘, 個衰領隊唔等我地開左車. 我地見到架車開左, 就打電話俾個導遊, 佢地放低左d團友then 番轉頭接我地. 咁樣就無左半個鐘了(因為要等佢架shuttle bus 夠鐘先開車).
入到去............................. 好正呀, d 水係暖既........... 2隻野都好開心. 我地去左室外玩先, 因為我地5點9先換好衫入去, 7點半又要集合走人啦, so 我話, 玩左室外先啦, 因為怕再夜d 會凍. 出到去.........仲正, 有d 好熱既溫泉池, 浸左落去真係唔想起身, 成個人都鬆晒好relax. 跟住又要同2隻野去第2度玩, 周圍去玩下唔同既野. then 又入番室內, 玩d sir 滑梯呀, 大型sir滑梯呀等等......... 我地4個都玩得好開心, 個個都唔想走. 後來問個導游, 原來呢個溫泉水上樂園要成4xx蚊港幣入場的, 嘩, 超貴, 但係又真係超好玩, 大人細路都啱玩. 最衰得2個零鐘.........超吊癮!!
玩完水上樂園, 之後去食晚餐. 最上那兩張相係團餐包的.............無錯, 係齋菜煲. 好彩我地一早加左2個海鮮餐. 唔係一定餓死晒. 最初order海鮮餐其實唔知個團餐咁cheap的, 只係一心想食生八爪魚only, 想試下隻八爪魚係個口度郁既感覺, 嘩, 好好玩, 好搞野的, 個個笑到死死下, 又影左晒.
食完飯又買左d 煙花俾2隻野玩..................好耐無見過放煙花了, 對上一次見係檳城度見到, 都成幾年前了.
食完飯就去便利店買d 香蕉奶/鮮奶/雪梨汁飲...............頭個2樣都幾好飲喎, 幾滑的. 雪梨汁就唔知了, 因為無開過黎飲, 放左係雪櫃第2日唔記得攞番走..........益左酒店.
第一日過得好充實, 好好玩, 好開心!!