現出售此琴, 有興趣者可以 "私人回應"留言或電郵至happypiano168@yahoo.com.hk
想試下整蝦仁炒蛋好耐好耐啦, 但係一路都無信心整, 尋晚又係度睇blog, 見到有媽咪係佢個blog度講點樣整, 所以今日學人試下啦.
整左出黎都ok喎............d 蛋都滑的. 所以都幾開心.
上完皮就係咁樣...........好似唔夠色, but算了, 試左先睇下點.
呢半隻用焗爐焗, 張相係焗左10分鐘度. 你見到都未有色的.
另一邊就用光波爐黎光...........同樣都係差唔多10分鐘, 見到d 色已經出緊黎. 我仲要怕佢燶, 將夠色既部份(鴨脾)用錫紙包住佢.
好正常, 梗係光波爐那邊既鴨快d 搞掂啦, 但係有部份d 色出唔到黎.
另一邊就係用焗爐焗的, 係光波爐那邊整好左好耐先搞掂.
焗爐鴨上檯
尋晚叫定工人今朝洗左隻鴨佢, 等我起身就可以即刻整啦. 點知..............一睇見隻鴨我即刻嘩..............嘩...........嘩, 做咩無左個頭架, 再睇真d, 連條頸都無埋!!! 激死, 工人梗係諗住好似雞咁樣斬頭斬勁啦.............. 最後搞到我要問我老公攞個釣黎釣住隻鴨做上皮, 搞到我又工傷.........滾到隻手指. 我成日都諗緊隻鴨整出黎個味得唔得既呢?? 咁我問我老公, 叫佢估下會唔會成功啦, 點知個8公話: 有我係度一定得啦, 咁容易!! 頂佢!! 我即刻答佢: 你千奇唔好搞我隻鴨, 就算我真係失敗左我自己會認, 唔駛你搞2野, 若成功既話就話係你整得好!!
而家要等佢乾晒身, 今晚去焗. (12:45pm)
********************************************
求知慾強既我, 為左想睇下用邊個爐整出黎好食d, 所以特登將隻鴨一開二, 一邊入焗爐, 另一邊入光波爐. 你估下邊一邊好食d?? (訕住, 隻鴨係到諗燒既時候先切開的, 理論上所有野都係一樣的, 只係差在用邊個爐具去燒.)
光波鴨, 一食落去..........都真係幾似出邊買番黎既鴨, 係個皮唔脆law, 同唔夠juicy(比我想像中). 唔知係咪因為有一部份出唔到色, 我係咁繼續光佢, 所以over左. 但係講真, 個味我真係滿意的. 我老公都話好味.
光波鴨:
好處: 又快, 夠味
壞處: 個皮唔脆(只有好少好少係脆)
焗爐鴨..........原來諗住佢個皮係會脆的, 但係一d都唔脆, 仲要唔知點解有so 味......... d肉又un..........
焗爐鴨:
好處: 無
壞處: 有陣so 味, d 肉又un, 皮一樣都係唔脆, 又唔夠味(好奇怪, 同一隻鴨, 唔同爐去燒, 出黎係會一邊夠味, 一邊唔夠味的喎, 但係我醃既時候係真係整勻晒d野的.)
我下次會再整呢個燒鴨的, 但係只會整光波鴨. 呢次既燒鴨(以光波那邊計)係算係成功的, 下次再研究下點樣改善下.
有待改善的地方:
1. 皮唔夠脆
2. 有部份地方出唔到色
3. 肉要juicy d