因為瑞士d 野好貴, 所以揀左好耐先買到呢少少野番黎咋. 除左2隻錶係機場買, 呢少少野都已經夠我係超市玩左差不多一粒鐘了.
朱古力就特登揀2排香港無既牌子(可能有但係我唔知), 唔想又買d 三角朱古力番黎, 無意思嘛.
D 酒係因為我老細話買酒平過買水, 所以特登又買幾支細既番黎啦, 我唔飲酒的, 只係貪得意買番黎咋. 一支都唔駛10蚊港紙, 諗住無人飲, 用黎煮餸law. 所以買左 3紅1白.
另外d 香草, 為起黎港紙2x蚊. 同樣 2x蚊港紙, 但係就無咁大樽law, 所以買番黎試下啦. 另一樽係for 整薯仔的喎, 問過d 職員係喊味既, 見1x蚊港紙, 又買黎玩下啦.
個2隻錶, 係臨上機時細雞雞 su 去睇的, 見到都唔貴, 係swatch的. 咁咪買俾2隻野啦. 都預左番到黎俾老公炸型唔買俾佢啦, 點知真係……成日都被我睇死佢的!!
D 野貴都好既, 起碼你好多野買唔落手, 仲慳番好多tim!!
今次因為個客既office唔係downtown, 所以要搭火車去......... 又好彩有呢個機會搭呢條火車線, 見到d 好靚既屋, 因為呢條線係去swisslake的, 即係係電視見到d 旅遊節目影個d. 若退左休, 可以住係呢d屋就真係..............好爽. 對住個湖, 個景係無敵, 又唔會好嘈.
有一日唔駛做野, 所以就搭電車去最旺既地方行下啦, 係就幾多人下的, 只係舖頭既數目唔多, 全部都係地舖黎的, 所以有幾多, 真係數得出.
係呢度食埋lunch, 每人叫左一碟野, 加一個湯, 埋單3個人就成HK$1200, D 野係好食, 只係個環境好嘈………..真係幾乎拍得住香港既酒樓……….. 所以唔覺得正law.
影呢幾張相時我都係好開心的, 因為頭2張係我最愛既超級市場, 我去到邊到最開心都係行超市的, 可惜既係呢間唔夠大!!!
跟住下面呢2相張都係我同一日食既早餐, 其實仲有一碟tim, (yes, 我total 食左碟野), 所以個日既lunch, 我只係同我大老細share 左份三文治就ok了, 因為個早餐都已經好鬼飽了.
而呢一日朝早, 我仲見到落雪tim, 好開心呀!!! 我初頭以為係落雨, 睇睇下, 點解白色既, 原來係雪呀!! 我第一次見到落雪咋. 上次去vancouver, 只係見到雪(係個雪山度, 見到少少雪啦, 因為當時已經係5月了), but 撞唔到落雪(5月仲落雪就........). 世事好奇怪的, 我係12月時, 無啦啦同我老公講, 我好想見到落雪, 點知, 就係3月見到...... 真係心想事成, 哈哈!! 一見到落雪, 個感覺好 聖誕, 我諗若我係聖誕節那幾天見到, 一定會更開心tim!!! 當時好想佢地3個都一齊係到睇落雪.......
我食早餐都特登揀左張睇到街景既檯黎睇雪, 真係好正!! 可惜佢只係落左一個鐘度就停左了.
我尋日一落車, 收到我老細既email, 佢仲係zurich的, 佢話佢今朝一起身拉開窗簾, 見到成地都係雪........... 佢話我地(我同大老細)好彩喎, 走得快(早佢一日走). 但係其實我好想見到成地雪既場面. (我諗應該唔係好勁, 但係想睇下d 屋頂, 成條街都係雪既樣)
zurich 呢度係市中心d 樓都係同德國的差唔多, 幾層高, 無咩特別, 係搭火車去 swisslake 那邊, 那些屋就真係靚好多, 好渡假 feel. 個湖又好大好大. d 屋對住個湖, 個view 一流啦, 好過香港d 幾千萬既豪宅多多聲. 最靚個d 屋我影唔到相, 因為同緊我老細一齊, 費事影啦!!!
一落機, 嘩...........好鬼凍. 仲凍過瑞士(因為由瑞士轉機黎呢度(1個鐘頭機咋).
呢3張相係我係德國影到既全部相了, 我到達 munich 係朝早既9點幾, 但係個街係無人架.......... 你見張相都見到啦. 到後來12點幾, 先叫做多人d 咋, 但係都係好疏落的. 間酒店又係無咩人的, 成個地方都係無咩人影............ 都唔知佢地d 舖頭食咩既呢??? 都無人幫襯.
呢度d 樓大部份都係得4層高, 初頭諗住4層樓, 實無lift架啦, 點知去到個客既office, 發現原來有lift喎, 仲要係幾好既全透明lift tim.
我係munich 逗留不到 11小時又走了, 飛番去zurich. 黎呢度只係為左見一個客!!! 我怕1年後, 我又唔記得我曾經 "到此一遊"了!!
呢度俾我感覺係.............悶爆!!!
好唔想去既 trip終於都完成啦............ 好彩最後改到係頭尾4日來回德, 瑞. 初頭係6日來回英, 德, 瑞的, 仲要有5日都要飛. 而家已經好感恩啦, 因為可以縮短行程, 並且只係第一日辛苦晒, 之後就輕鬆好多.
呢張相係飛去德國既途中影的, 我諗應該仲係瑞士既範圍. 好多地方都仲有雪. 好彩同大老細唔同class, 所以係飛機上都有好多私人時間, 否則, 連呢d相都影唔到.
呢次既長途機真係飛得甘, 去既時候飛左成13.x 個鐘, 坐到我腰骨又痛, pat pat 又痛. 番黎好好多了, 只係飛11個鐘, 但係一樣條腰坐到就黎斷咁滯. 而家都仲暈緊機浪....... 但係好彩我係機上都訓到幾個鐘. 尋晚番黎, 未夠9點已經訓覺, 一訓就13, 14個鐘了, 真係好耐都未試過可以訓咁耐了!!
